October 18, 2019 – Adunay dugang 29 ka kanhi sakop ug ka-alyado sa New People’s Army (NPA) nga mi-tahan sa ilang kaugalingon, inubanan sa LGU sa Quezon, Bukidnon, ug sa 88th Infantry Battalion sa Maramag, Bukidnon.

Matod pa sa maong mga surrenderees, nangandoy sila sa kinabuhi nga malinawon, malipayon ug kauban ang ilang pamilya.

Kahinumdoman nga kini na ang ika-109 ka mga surrenderees nga gikan sa lungsod sa Quezon sukad nga gipatuman ang Executive Order 70 o End Local Communist Armed Conflict (ELCAC).

Mipahigayon usab ug profiling ang Municipal Social Welfare Development (MSWD) Office nga gipangulohan ni Ms. Wena B. Pagayon, acting MSWDO aron sa pag-ila sa ilang mga pangalan, ilang pinuy-anan ug pagsuta sa ilang mga panginahanglanon lakip na ang panginabuhian nga haum sa ilang lugar.

Gihatagan usab og food packs ug libreng check-up ang maong mga surrenderees isip assistance gikan sa munisipyo.

Masinati sa katawhan sa lungsod ang makanunayon nga kalinaw pinaagi sa pagpa-undang sa mga kalihokang terorista.