ENERO 13, 2021 – Daghan pang mga kalamboan sa Quezon, Bukidnon ang lauman karong tuig 2021, pinaagi sa mga programa ug proyekto nga giandam para sa lungsod, ug dako ang papel sa mga Punong Barangay aron kini magmalampuson.

Kini ang gipamahayag ni Mayor “Poling” Lorenzo atol sa unang panagtigum karon nga tuig sa Association of Barangay Captains (ABC).

Madasigon usab niyang gipaabot ang iyang pasalamat ngadto sa mga Kapitanes sa 31 ka barangay sa Quezon tungod sa ilang walay puas nga pagsuporta ug kooperasyon sa mga lakang para sa kaayuhan sa katawhan ug kalamboan sa lungsod.

Iya usab gipaambit ang iyang paghinaot sa ilang makanunayong supporta alang sa giandam nga daghan pang mga proyekto ug programa para karon nga tuig.