MARSO 6, 2020 – Kinahanglan tabangan og magtimbayayong sa pagsolbad sa mga issue ang lokal nga panggamhanan, mga opisyales sa barangay, ug tanang ahensya sa gobyerno, hinungdan sa pagkamugna sa Retooled Community Support Program nga nagsumikad sa Executive Order 70 o End Local Communist Armed Conflict.

Mao kini ang gipadayag ni Ms. Maria Maida B. Daniot, CLGOO and cluster head sa Southern Bukidnon sa Department of Interior and Local Government (DILG), atol sa gipahigayong orientation sa RCSP diin misalmot ang mga kapitanes ug Brgy. Kagawad sa 31 ka barangay sa Quezon.

Kahinumdoman nga sukad pa sa miaging tuig, mi-lapas na sa 150 nga kanhing miyembro ug ka-alyado sa New People’s Army (NPA) ang mi-tahan sa gobyerno, gumikan sa malampuson nga Community Support Program (CSP) ug Enhanced Comprehensive Local Integration Program (E-CLIP), kung diin gipaninguhaan sa kasundalohan ug lokal nga panggamhanan nga matagaan og pagtagad ang panginahanglanon sa mga komunidad nga nasudlan sa mga rebelde, ug mahimong maka-panginabuhi nga malinawon ang mga surrenderees.

Magsumikad ang makanunayong kalamboan sa kalinaw. Kung wala na’y bahad sa kinabuhi sa katawhan, mahimong makab-ot niini ang higayon nga maka-asenso.