NOBYEMBRE 4, 2019 – Adunay dugang 11 ka kanhi sakop o kaalyado sa New People’s Army (NPA) nga mi-tahan sa ilang kaugalingon, inubanan sa 88th Infantry Battalion sa Maramag, Bukidnon ug sa atong LGU sa Quezon, Bukidnon.

Base sa testimonya sa mga surrenderees, dili sila maka-panginabuhi kung permanente sila magserbisyo sa hiwi nga ideolohiya. Sa ilang pagbalik sa sabakan sa gobyerno, nakita nila nga daghang kaayohan ang ilang madawat.

Adunay lapas sa 130 ka mga surrenderees nga gikan sa lungsod sa Quezon sukad nga gipatuman ang Executive Order 70 o End Local Communist Armed Conflict (ELCAC).

Mipahigayon usab ang Municipal Social Welfare Development (MSWD), nga gipangulohan ni acting MSWDO Ms. Wena B. Pagayon aron ma-ila ang ilang mga pangalan, pinuy-anan ug pagsuta sa mga panginahanglanon nga angay sa ilang lugar ug panginabuhian.

Matod pa ni Executive Assistant Laurente Alvarez Jr., dili babag ang tribo ug kawad-on sa maningkamot. Kinahanglan nga gugma ug pakigdait ang mopatigbabaw.

Nanghinaot si Ms. Pagayon sa uban pang kaigsuonan nga mobalik na sa sabakan sa gobyerno kay daghan og mga programa nga gi-andam para sa tanan ug walay gipili sa maka-dawat niini.