SETYEMBRE 9, 2020 – ANG KALINAW MAO ANG LEGASIYA SA ADMINISTRASYON NI PRESIDENTE RODRIGO DUTERTE.

Mao kini ang hiniusang pamahayag sa katawhan sa Quezon, Bukidnon atol sa Duterte Legacy Caravan nga gipahigayon karong adlaw.

Gipaabot nilang Mayor “Poling” Lorenzo ug Vice Mayor Joseph Durotan, Sr., ang ilang pasalamat para kay Presidente Rodrigo Duterte sa mga kaayohan nga dala sa iyang pagdumala dinhi sa lungsod sa Quezon, Bukidnon ilabi na sa pagsiguro sa kalinaw pinaagi sa programa batok sa insurhensiya ug sa illegal nga droga.

Gisaysay usab nila Brgy. Kipaypayon Chairman Romulo Palma ug Brgy. Linabo Secretary Judith Golosino ang ilang nasaksihan nga dakong kausaban sa ilang isig ka barangay sulod sa pagdumala ni Presidente Duterte. Matod nila, mao kini ang unang higayon sa taas nga panahon nga gibati nila nga natagaan sila og pagtagad.

Mipadayag usab si Presidential Communications Operations Office (PCOO) Asst. Secretary JV Arcena ang mga programa nga gipatuman sa administrasyong Duterte sa tumong nga mahimong mas haruhay ang pagpanginabuhi sa katawhan, sama sa UniFAST nga libreng pagskwela sa kolehiyo; Build, Build, Build o ang pagtukod sa mga imprastraktura nga gikinahanglan kaayo para sa paglambo; ang Malasakit Center, nga nagayuda para sa mga tawo nga anaay panginahanglanon sa pagpanambal; ug uban pa.