Gi-kalipay pag-usab sa mga lumulupyo sa Quezon, Bukidnon ang gipangapod-apod nga ayuda nga mokabat 12,000 ka sako sa bugas og 120,000 ka pack sa asukar sa 31 ka barangay.

Kini nga ayuda gi-pondohan sa lokal nga gobyerno, sulod sa pagdumala ni Mayor “Poling” Lorenzo isip pagsuporta sa mga pamilya nga na-apektohan sa quarantine.

Sa pagpanghatag sa maong ayuda, gi-mando ang matag-barangay nga batunan kanunay ang mga pamaagi isip pag-likay sa COVID-19, sama sa physical distancing, pagsuot sa face mask, ug pag-disinfect.

Mao kini ang ika-duhang higayon nga naghatag ang lokal nga gobyerno og ayuda nga pagkaon sa mga lumulupyo sa Quezon, Bukidnon.

Kahinumdoman nga kaniadtong Abril, gipangapod-apod usab ang 7,000 ka sako sa bugas ug 747,500 ka de lata gikan kay Gov. Jose Ma. R. Zubiri, Jr., nga gi-dugangan og 4,576 ka sako sa bugas gikan sa Munisipyo sa Quezon, Bukidnon.