Alang sa katuyoan nga masuta ang mga panginahanglanon sa kabarangayan, gipahigayon ang Barangay Consultations kung diin gihinabi ni Mayor “Poling” Lorenzo, inubanan sa 14th Sangguniang Bayan nga gipangulohan ni Vice Mayor Joseph Durotan ang mga opisyales sa kabarangayan.

Kini nga kalihokan gisugdan kaniadtong bulan sa Agosto, ug magpadayon hangtod sa mabisita ang uban pang mga barangay.

Una nga gibisitahan sa opisyales sa Quezon, Bukidnon ang Barangay Pinilayan, Salawagan, Butong, San Jose, Mahayag, Libertad, Palacapao, ug Puntian.

Sa maong higayon, gipaabot sa mga lumilihok sa kabarangayan ang ilang mga sugyot ug pangutana sa mga opisyales, ilabi na bahin sa mga programa sa gobyerno alang sa dugang nga paglambo sa lungsod.