SETYEMBRE 3, 2019 – Gipalig-on ni Mayor “Poling” Lorenzo ang closure order sa duha ka poultry farm nga nahimutang sa Blgy. 9, Poblacion, ug sa Brgy. Pinilayan.

Sa pakig-hinabi sa mga tag-iya sa duha ka poultry farm, gi-awhag ni Mayor Lorenzo nga dili gyud pwede ma-tukod ang maong mga poultry farm gumikan kay wala sila naka-dawat og pagtugot (pinaagi sa business ug sanitary permit) gikan sa gobyerno.

Gi-reklamo usab sa mga tawo sa palibot sa mga poultry farm ang baho ug langaw nga nang-gikan niini.

Matod pa ni Mayor Lorenzo, dili pwede nga pasagdan kining mga poultry farm nga mag operate sa maong mga lugar, gumikan sa ka-duol niini sa mga residential area. Gi-awhag niya ang duha ka tag-iya nga makig-alayon sa gobyerno, haron ma-tabangan sila sa pag-pangita sa insaktong pwesto para sa ilang negosyo.