SETYEMBRE 23, 2019 – Sa gi-mugna nga courtesy call sa Provincial Agriculture Office nga gipangunahan ni Provincial Agriculturisst Engr. Alson G. Quimba, Supervising Agriculturist Emma C. Ravelo, ug Quezon Municipal Coordinator John James S. Paglinawan, gi-presenta ang Provincial Livelihood Program, kung diin hatagan og ayuda ang pinaka-pobre nga corn farmers sa tibuok Probinsiya sa Bukidnon.

Sa lungsod sa Quezon, adunay 6,430 ka mag-uuma nga makadawat niining ayuda nga binhi ug abono, nga aduna pud libre nga insurance pinaagi sa Phililppine Crop Insurance Corporation (PCIC).

Mahimong i-distribute ang ayuda sugod karong Oct. 2, 2019 sa Municipal Gymnasium.

Usa kini sa programa ni Gov. Jose Maria Zubiri alang sa pagpa-uswag sa mga mag-uuma, alayon sa tinguha sa lokal nga panggamhanan sa administrasyong Lorenzo sa pag-hatag og higayon sa katawhan alang sa kalamboan.