DILI ANGAY MAHADLOK SA BAKUNA! Ang pagprotektar sa kaugalingon, pag-amping sa pamilya.

Mao kini ang gipaabot sa usa ka educator nga si DepEd District Supervisor Dr. Evelyn C. Caballes.

Matod niya, walay angay ikahadlok sa bakuna kay gisiguro kini sa gobyerno nga niagi sa prosesong medical nga makaayo sa tanan. 

Dugang pa niya, isip usa ka 62 anyos nga senior citizen, ga-amping sa kasing-kasing, ug kanunay gabantay sa blood pressure, gipanigurohan gayud niya nga mabakunahan kay kini ang magprotektar sa iyang kaugalingon, lakip na sa iyang mga minahal sa kinabuhi.

Nabakunahan siya kaniadtong Hulyo 22, 2021 ug wala siyay nabatian nga mga sakit, hapsay gihapon ang iyang kinabuhi.

Gi-awhag niya ang tanan nga bisan bakunado na, padayon gihapon mag-amping pinaagi sa paghugas, pag alcohol, ug social distancing.

Nanawagan usab siya sa tanan, ilabi na sa taga Department of Education (DepEd), nga mamahimong maayong ehemplo isip usa ka magtutudlo.