HUNYO 12, 2021 – DILI MAHADLOK SA BAKUNA!

Mao kini ang gipaabot ni Mayor “Poling” Lorenzo atol sa iyang pakighinabi sa mga Presidente sa mga Senior Citizens Organizations sa matag barangay dinhi sa lungsod.

Iyang gihangyo ang tanan senior citizens nga magpabakuna na ug tabangan ang uban nga makasabot ug matin-awan sa kamahinungdanon niini sa karon nga panahon.

Matod niya, dili angay nga mabalaka sa bakuna, tungod kini mopalig-on sa resistensya ug maghatag proteksyon batok sa grabeng balatian kung ikaw mataptan sa COVID-19.

Giaghat usab niya ang tanan nga dili magtoo sa sayop nga mga impormasyon.