DILI MAKABALDA SA KINABUHI ANG PAGPABAKUNA!

Mao kini ang gipatin-awan sa usa ka senior citizen nga si Mr. Rogelio Aureo nga taga Brgy. Salawagan, Quezon, Bukidnon.

Matod niya, gimugna ang bakuna aron magproteksyon sa lawas ug dili hinungdan sa mga nakalas nga kinabuhi. Dugang niya, kini sila aduna nay gihambing nga balatian sa wala pa naturukan ug wala lang naagapan.

Siya usa ka 62 anyos nga senior, diabetic, ug kanunay gabantay sa blood pressure, apan nagpabakuna siya kaniadtong Hulyo 22, 2021 kay kini ang mag-depensa sa iyang kaugalingon.

Sa karon, balik sa normal gihapon ang iyang pagpanginabuhi ug padayon nga nagtrabaho ug ga-mando sa iyang kaumahan.

Nanawagan siya sa uban seniors nga dili gayud magpadala sa mga sayop nga impormasyon ug dili usab magduha-duha, kay ang bakuna ang muproteksyon sa atong lawas batok sa COVID-19.