DILI TUOHAN ANG SAYOP NGA IMPORMASYON BAHIN SA BAKUNA!

Mao kini ang gipanawagan sa magtiayon nga si Mr. Pedro Polinar ug si Mrs. Norma Polinar.

Matod ni Mr. & Mrs. Polinar, dili dapat paminawon o ipakatag ang mga sayop nga impormasyon nga magdala og kabalaka ug pagduha-duha bahin sa bakuna.

Ilang gidugang nga dili gayud angay ikahadlok ang bakuna, kay maghatag kini og pangdepensa sa kaugalingon kontra COVID-19.

Gipaninguha gayud ni Mr. Polinar, nga 80 anyos, usa ka diabetic, ug health conscious nga senior citizen ug ni Mrs. Polinar, nga 73 anyos, naay arthritis, ug kanunay gabantay sa blood pressure, nga mabakunahan sila. 

Kaniadtong July 19, 2021, nakompleto nila ang 2nd dose sa bakuna nga AstraZeneca. Wala silay gibati nga bisan unsa nga sakit human sila magpabakuna, ug nakapadayon sila sa ilang pangadlaw-adlaw nga kinabuhi nga hapsay.

Matod nila, “Hinaot unta mo-tuo namo, kay nahumana naman gayud mi!”