Gikalipay sa katawhan sa 31 ka barangay sa Quezon, Bukidnon ang ayuda nga gikan sa Probinsiya sa Bukidnon, sulod sa pagdumala ni Gov. Jose Ma. Zubiri, Jr., ug gipun-an sa Munisipyo sa Quezon, nga gipangunahan ni Mayor “Poling” Lorenzo.

Sugod kaniadtong Abril 6, 2020, gi-turnover sa lokal nga panggamhanan ang mokabat 11,576 ka sako sa bugas ug 747,500 ka de lata sa 31 ka barangay sa Quezon, Bukidnon.

Gi-tahasan ang mga barangay sa pagpangapod-apod sa matag-panimalay aron dili matapok ang mga tawo.

Matod pa ni Mayor Lorenzo, angay lamang nga ma-ayudahan ang katawhan ilabi na karong panahon sa quarantine, aron dili na sila mapugos nga mogawas sa ilang panimalay.