OKTUBRE 23, 2019 – Makasinati ug dugang higayon sa pagpa-uswag sa panginabuhi ang 34 ka bag-ong graduate sa kursong Electrical Installation and Maintenance NC-II with Fire Alarm and CCTV Installation.

Gi-pangulohan sa lokal nga panggamhanan sa Quezon, Bukidnon ang maong training sa TESDA, nga gi-sponsor sa Del Monte Foundation Incorporation.

Gipadayag ni Ms. Ma. Bella Victoria G. Quimpo- DMFI Executive Director nga, “Ang tumong sa programa kay arun mapa-uswag ang ang-ang sa kinabuhi”.

Gi-tambongan usab ni Hon. Vice Mayor Joseph Durotan, Hon. Councilor Robert Gue ug SK Federation President Hon. Leze John Adam Densing ang graduation, nga gipahigayon sa Fitness and Wellness Center.

Mo-agi usab og assessment sunod semana ang mga graduates haron nga mahimong accredited sila sa National TESDA Training.