HULYO 17, 2020 – Atol sa gipahigayon nga emergency meeting sa Municipal Disaster Risk Reduction and Management Council, giawhag ni Mayor “Poling” Lorenzo ang tanan sa pagtinabangay ug paghimo sa angay buhaton para malikay ang katawhan sa COVID-19.

Tumong sa maong panagtigum sa mga personahe sa konseho ang paghan-ay sa annual budget aron maapil ang mga programa ug proyekto nga pagabuhaton aron malikay sa COVID-19 ang katawhan sa Quezon.

Gihisgutan usab ang pagpalit og duha ka patient transport vehicle para sa Locally Stranded Individuals (LSIs) ug Returning Overseas Filipinos (ROFs) hospital beds, stretchers, ug lain pang ekipo medikal para sa itukod nga Community Hospital, ug uban pang panginahanglanon nga makabatok sa COVID-19.