HUNYO 22, 2020 – Gi-aprobahan sa Sangguniang Bayan Council (SB) ang usa ka resolution sa pag-endorsar sa hangyo sa Quezon Bukidnon Water District ngadto kay Sec. Mark A. Villar sa gilakip nga para sa construction, rehabilitation, ug improvement sa level III water supply project sa DPWH 2021 budget nga mokabat 75,100,000.

Atol kini sa gipahigayon nga regular session sa SB nga gipangunahan ni Vice Mayor Joseph T. Durotan, Sr., kauban ang mga miyembro sa konseho ug presensya sa Quezon Bukidnon Water District Representative Wilgreg R. Borja, technical/operations section head .

Gi-siguro sa konseho nga dili ma-ataw-ataw ang katawhan sa Quezon ug mahatag ngadto kanila ang serbisyo pina-agi sa paghatag og limpyo, sufficient nga supply, ug ma-inom nga tubig sa mga constituent sa Quezon.

Sa gika-ingon pa ni Engr. Borja, dako kining tabang ilabi na sa sitwasyon nga atong nasinati diin mas gikinahanglan ang limpyo nga tubig aron mas mabatonan ilabi na ang proper hygiene ug malayo sa uban pang sakit.