MAYO 18, 2021 – Gi hingusgan ni Mayor “Poling” Lorenzo ang kamahinungdanon sa pag mentenar sa kalinaw ug kahapsay sa lungsod harun sa pag padayon sa pagpaningkamot alang sa kalambuan. 

Kini atol sa graduation sa 34 ka personahe sa lungsod sa Quezon, Bukidnon, sa gipahigayong 7-day Barangay Peace Keeping Action Team/Brgy. Tanod Efficiency Enhancement Training Program. 

Sa maong training, malampusong giumol ang maong mga personahe sa ilang tahas sa pag-mintinar sa kahapsay ug kalinaw sa ilang isig ka barangay.

Kini gi tinguha ni Mayor Lorenzo aron mas maproteksyonan ang mga katawhan ug ang ilang mga kabtangan sa matag barangay.

Lakip sa nitambong sa graduation si Quezon Municipal Police Station Acting Chief of Police PMaj. Carlito R. Chua Jr., Executive Officer Captain James Audie L. Jaque sa 3rd Infantry Battalion, ug Municipal Local Government Operations Officer Florence A. Waban, ug Municipal Public Safety Office (MPSO) head Paul Anthony V. Abalde.