SETYEMBRE 20, 2021 – NATUMAN NA!

Gi-inagurar na ang bag-ong Municipal Government Clinic ug Municipal Environment and Natural Resources (MENR) Office nga nahimutang sa atong munisipyo.

Gitinguha kini nga matuman sulod sa administrasyon ni Mayor Poling Lorenzo alang sa padayong pag-uswag sa pagserbisyo sa katawhan.

Matod ni Mayor Lorenzo, gitukod ang klinika nga adunay tambal ug uban pang mga kagamitan sa pagpanambal aron sa pagmonitor ug pag-atiman sa kahimsog sa panglawas sa mga empleyado sa munisipyo. Magtrabaho usab sa MENR Office ang mga personahe nga anaay dakong responsibilidad sa pagmintinar sa atong kinaiyahan.

Dugang pa niya, kini nga mga opisina ang gilaraw nga lakip sa gikinahanglan sa paghatag og mahinungdanon nga serbisyo alang sa katawhan sa lungsod.

Gipanghingusgan ni Mayor Lorenzo nga adunay mga tukmang ahensya nga mag-atiman ug magdumala sa mas labing gikinahanglan sa katawhan.

Gipangunahan ni Fr. Biven Belderol ang blessing sa maong mga opisina. Mitambong usab sa inauguration si Vice-Mayor Joseph Durotan ug Councilors Jomic Fortich, Nilo Bardon, Clyde Baguio, ug Myrna Repalda.