HULYO 12, 2019 – Gi-sugdan ang pag-hatag sa mga gi-saad nga bugas ug de-lata sa mga Lumad nga na-biktima sa human rights trafficker, sa ilang pag-pangempleyo sa usa ka fishcage sa Pangasinan, kanina sa Brgy. Butong Covered Court.

Gipahimangno sa Local Disaster Risk Reduction and Management Officer Paul Abalde nga andam ang munisipyo sa Quezon, ubos sa pagdumala ni Mayor “Poling” Lorenzo, nga ipatuman ang saad nga hinabang nga bugas, de-lata, pondo sa pag-proseso sa panginahanglanon sa panrabaho, ug libreng panambal pinaagi sa Municipal Health Office.

Mi-awhag usab si TESDA Provincial Director Kotie R. Bax, uban ang Optimus Technical School ug MMS Development Training Center Corporation, nga gi-representa ni Mr. Erwin Trinidad ug Ms. Alma Pardillo, nga andam sila mo-tabang pinaagi sa paghatag sa livelihood skills training.

Gi-saad pud ni Mr. Norven Pitogo, nga Human Resource and Management Officer sa Aboitiz Construction, nga andam kini nga mag-dawat sa mga biktima isip mga empleyado.

Mapasalamaton ang mga nakadawat sa mga hinabang, uban ang mga opisyales sa Brgy. Butong, sa suporta nga gi-hatag sa lokal nga panggamhanan ug sa uban pang mga grupo nga nag-hanyag sa ilang tabang.