OKTUBRE 19, 2020 – Giabi-abi ni Mayor “Poling” Lorenzo si Insp. John Rey-An Donasco, incoming OIC Municipal Fire Marshal ug si SFO2 Cesar Agsalud, incoming Deputy Municipal Fire Marshal niining lungsod.

Kini sila gi-assign sa Quezon, Bukidnon samtang mareassign si SFO4 Merlito Rulida, kanhi Municipal Fire Marshal sa Quezon, nga ma-reassign sa San Fernando, Bukidnon.

Gipadayag ni Mayor Lorenzo ang mga paninguha sa lokal nga panggamhanan sa Quezon aron mapanghingusgan ang pwersa sa BFP sa lungsod, ilabi na sa pagpalit og bag-ong fire truck ug tanker, ug pagtukod sa Bureau of Fire Protection (BFP) Substation sa Brgy. Poblacion.

Gisaad usab ni Insp. Donasco ang maabtikon nga pagpanerbisyo isip paglikay ug pagpakgang sa sunog.

Magpadayon ang hugot nga pagsuporta sa lokal nga panggamhanan sa Quezon sa kabomberohan, aron maluwas ang katawhan sa sunog.