AGOSTO 11, 2021 – Gitinguha sa lokal nga panggamhanan sa Quezon, sa pagpangulo ni Mayor “Poling” Lorenzo ang pagpapaspas sa katumanan sa mga proyekto sa matag barangay.

Sa iyang pakighinabi sa Liga ng mga Barangay, gipamahayag ni Mayor Lorenzo nga gapangitaan karon og pamaagi nga mahan-ay ang sistema sa pagmobilisar sa ekipo sa munisipyo, kay nagdagan ang panahon samtang daghan pang mga barangay ang nagkinahanglan sa serbisyo sa ilang kadalanan ug uban pang panginahanglanon.

Kahinumdoman nga gidugangan sa munisipyo ang pwersa niini sa pagpatuman sa serbisyong pang imprastraktura pinaagi sa bag-ong heavy equipment kaniadtong Hulyo 2020. Sukad niining panahon, kini nga ekipo gigamit sa serbisyo sama sa pagmintinar ug paghawan sa kadalanan sama sa barangay roads ug uban pa.