HULYO 29, 2021 – Ang kinaiyahan atong ampingan, kay kini adunay kalambigitan sa atong kaugmaon.

Mao kini ang gipaabot ni Mayor “Poling” Lorenzo, atol sa gipahigayon nga Cleanest ug Greenest awarding ceremony sa matag barangay.

Matod niya, sigurohon nga ipreserbar ug protektahan ang mga watersheds sa Mikatin, Magsaysay, San Roque, ug Lipa, aron mulahutay pa kini sa umaabot nga panahon.

Dugang pa niya, maprotektahan kini pinaagi sa paghatag panginabuhian sa mga lumulupyo, sama sa pagtanom og mga kahoy ug paghatag livelihood programs ngadto kanila.

Gisiguro usab sa lokal nga panggamhanan nga adunay insaktong pamaagi sa paglabay sa mga basura, busa nagpalit kita luna nga butangan sa sanitary landfills.