HUNYO 4, 2020 – Gi-kalipay sa mga bao-bao operators ang pagpaminaw ug paghatag pagtagad ni Mayor “Poling” Lorenzo kanila aron matabangan ug maplastar ang ilang panginabuhi, atol sa gipahigayon nga dialogue tali sa lokal nga panggamhanan sa Quezon, Bukidnon, ug sa mga operator sa Wellness Center.

Gi-hisgotan sa maong dialogue ang gi-tinguha nga pagmugna sa franchising sa mga bao-bao, aron ma-plastar ang sistema sa pampublikong sakay sa lungsod. Matod pa ni Mayor Lorenzo, kinahanglan nga mahapsay ang pletehan ug parkinganan.

Iya usab gi-dugang nga walay dapat manag-iya sa kadalanan kay kini para sa tanan.

Kini nga tinguha nagsumikad sa dakong panlantaw sa administrasyong Lorenzo alang sa maayong kaugmaon sa Quezon, Bukidnon, hinungdan nga iyang gipaminawan ang mga molo sa katawhan aron masiguro ang sibo ug angayan nga mga lakang.

Sa kataposan, iyang gipadayag nga angay sabton ang tumong sa gilagda nga mga preventive measures diha sa pagpamasahero aron mapaniguro nga dili kita mataptan sa COVID-19 ug matagamtam ang SIGURADONG PAGPANGINABUHI.