PEBRERO 9, 2021 – Gipahimangnuan ni Mayor Pablo Lorenzo III ang mga Kapitanes nga doblehon ang pagbantay sa palibot ug pagsunod sa mga protokol aron malikayan ang pagkuyanap sa COVID-19 sa lungsod.

Atol kini sa gipahigayon nga meeting sa Association of Barangay Councils (ABC) nga gitambongan sa 31 ka mga lideres sa barangay.

Iya sab gi-awhag tanan nga lakip bantayan ang mga problema sa barangay nga naghatag kabalaka sa siguridad sa katawhan. Siguroon kini nga ipablotter o isumbong sa mga awtoridad para matagaan og sulbad ug dili na ma-utro pa ang maong panghitabo.

Nahisgutan usa ang nagpadayon nga paghawan sa mga babag o obstruction sa kadalanan sulod sa kabarangayan nga gimando sa Department of Interior and Local Government (DILG) aron mamahimong plastar ug hapsay ang kadalanan.