HULYO 27, 2021 – Gipanghingusgan sa lokal nga panggamhanan sa Quezon, Bukidnon kauban sa Local School Board (LSB) ang pagpalambo sa kalidad sa pagtuon sa mga kabataan, pagplano sa mga dugang itukod nga eskwelahan, ug pagpreparar sa pondo alang sa umaabot nga pag-abli sa klase.

Atol kini sa gipahigayon nga panagtigom sa LSB nga gilangkuban nila Mayor “Poling” Lorenzo; Municipal Councilor Jerly Areja; SK Federation President Leze John Adam Densing; ug Department of Education (DepEd) District Supervisors nga sila Dr. Evelyn Caballes, Dr. Rolando Acoriba Jr., Mr. Vicente Garciano, ug Dr. Rolando Aligsao.

Tanan mga lakang sa lokal nga panggamhanan sa Quezon alang sa edukasyon nagsumikad sa tinguha nga matagaan og opportunidad ang mga kabataan nga maka skwela ug makabaton og competitive advantage.