HUNYO 1, 2021 – Gipadayag ni Mayor “Poling” Lorenzo nga dili nato tugutan ang COVID-19 nga makapaundang sa atong kalamboan dinhi sa lungsod sa Quezon, Bukidnon.

Atol kini sa gipahigayon nga Virtual Monthly Convocation, gihimo para makatambong ang taga munisipyo nga likay sa panagtapok.

Kahibaloan nga daghan na kita og mga mga proyekto nga nagamit na karon sa katwahan sa paghatag sa ilang mga panginahanglanon sama sa Quezon Central Market; Farm to Market Roads; Municipal ug Barangay Isolation Units; Barangay Justice System; Bao-bao Franchise; ug pagtukod sa Sanitary Landfill, Demo farms, ug uban pa.

Sa umaabot, daghan pa ang mga programa nga atong giandam para matagamtaman sa mga lumulupyo sa lungsod ang haruhay ug siguradong pagpanginabuhi. 

Sa panghinapos, iyaha usab gidugang nga isaulog nato ang ika-55th Araw ng Quezon pinaagi sa virtual nga kalingawan o mga aktibidadis nga dili makapatapok sa tawo.

Dinhi giawhag niya ang tanan nga mag adjust, magpabilin nga safe, ug magbantay nga dili maigo pero padayon kita sa paglihok ug pag andam sa kaugmaon sa lungsod.