GIPANINDOT NA ANG PERIMETER ROAD SA QUEZON CENTRAL MARKET!

Padayon nga giplastar sa lokal nga panggamhanan sa Quezon, Bukidnon ang dalan nga nagpalibot sa Quezon Central Market aron dili na maglisod ang mga negosyante ug mamalitay sa pag-agi sa maong dalan.

Ang maong proyekto nagkantidad og 5 Milyones gikan sa panudlanan sa atong munisipyo. Unang hugna pa lang ni sa planong pagsemento sa mga perimeter road palibot sa merkado. Sunod nga sementohon ang ubang bahin nga dalan. Kini lakip sa gipanghingusgan gayud ni Mayor “Poling” Lorenzo nga paghatag sa plastar ug hapsay nga dalan aron dili na lisud ang pag-abot sa mga produkto ngadto sa merkado.