ABRIL 3, 2020 – Gipasundayag sa Municipal Health Office ngadto sa Barangay Health Workers sa Paitan ang insaktong paggamit sa mga Personal Protective Equipment (PPE), suoton ug gamiton kung mag-disinfect o magbisita sa PUMs or PUIs.

Ang PPE gamiton para maprotektahan ang kaugalingon nga dili matakdan kung makighimamat sa mga tawo nga gibutang sa isolation area o nahibaloang adunay sintomas sa COVID-19. Makatabang sab kini nga dili madala ug makatakod sa uban.

Matod pa ni Dr. Krenz Yaba, kinahanglan panalipdan ilabi sa mga frontliners ang ilang kaugalingon nga dili matakdan busa kinahanglan tumanon ang tudlo sa mga health authorities ug mahibaloan ang insaktong proseso sa paggamit ug paghipos sa mga PPE.

Kung insakto ang paggamit ug paghipos sa PPE, dili dali matakdan sa sakit ug malikay ang pamilya nga magkasakit. Kanunay magbaton og proper hygiene sa tanan panahon.