HUNYO 13, 2021 – Gipresentar ni Mayor “Poling” Lorenzo kauban ang Municipal Development Council (MDC) ang mobalor P94M nga mga dugang proyekto nga giandam para sa kalamboan sa Quezon, Bukidnon.

Dinhi iyang gisaysay nga magamit ang maong kantidad sa pagkonkreto sa mga kadalanan ug pagpalit sa mga yuta para sa mga dalan ug uban pang mga proyekto sa Brgy. San Jose, Mibantang, Salawagan, Poblacion, Kiburiao, ug Libertad.

Dugang pa niya, dili lamang ang sentrong bahin sa lungsod ang makatagamtam sa mga kalamboan apan lakip usab ang uban kabarangayan. Gibuhat kini aron matagaan sa maayong kaugmaon ang tanan katawhan sa lungsod.

Daghan pa nga mga proyekto ang gipanigurohan sa kasamtangang administrasyon nga mahatagan og opurtunidad nga muharuhay ang panginabuhi sa tanan.