NOBYEMBRE 7, 2019 – Gisuta ni 3rd District Congressman “Manoy” Zubiri, Provincial Board Members Ben Baguio, Joseph Palmada, “Bing” Casinabe, ug Mayor “Poling” Lorenzo ang school buildings sa Salawagan National High School (SNHS) ug Quezon National High School (QNHS) nga nakahi-agom ug kadaot gumikan sa pagtay-og sa linog.

Gisuportahan ni Cong. Zubiri ang recommendation sa Municipal Engineering Office nga kinahanglan i-demolish ang Bldg. 11 sa QNHS. Base sa ilang assessment, “totally damaged” na ang maong istraktura.

Makig-alayon usab ang Congresista ngadto sa Department of Public Works and Highways (DPWH) aron personal niyang mapadangat ang kahimtang sa bag-ohay lang nahuman nga duha ka andanang building nga naay structural damage. Adunay upat (4) ka classrooms ang maong building.