HULYO 21, 2020 – Gisuta sa mga personahe sa Municipal Public Safety Office (MPSO) ang pampublikong lugar ug mga establisyamento sa ilang pagtuman sa mga safety protocols, aron masiguro nga likay sa COVID-19 ang katawhan sa Quezon.

Hinungdan sa natala nga local transmission sa Valencia City, gipahigayon sa MPSO ang panghatag og face mask sa mga indibidwal nga ga-lakaw sa pampublikong lugar nga wala nagsuot niini aron matabangan sila nga likay sa sakit ug malikayan ang pagkuyanap sa COVID-19.

Gipahimangnuan ang mga multicab ug bao-bao drivers sa kanunay nga pagbutang og barrier sa mga lingkuranan aron ma-mentinar ang social distancing.

Apil sab nga gipahimangnuan ang mga establisyamento sa kanunay pagbutang og mga alcohol, hugasanan, ug uban pang precautionary measures.

Nanghinaot sab ang lokal nga panggamhanan sa Quezon sa katawhan nga batunan ang mga lakang sa makatabang sa pagbatok sa COVID-19 pina-agi sa PALAYO, TABON, HUGAS, ug HINLO ug magbinantayon kanunay aron luwas sa COVID-19.