NOBYEMBRE 23, 2019 – Adunay food packs nga gipanghatag sa Municipal Social Welfare and Development (MSWD) Acting Officer Ms. Wena Pagayon inubanan ni Executive Assistant Mr. Laurente Alvarez Jr. sa Local Government Unit (LGU) sa Quezon, Bukidnon aron naa sila’y salu-saluhan sa ilang pag-uli ngadto sa Brgy. Santa Felomina.

Matod pa ni Ms. Pagayon, kinahanglan magbinantayon og maminaw unsa ang nahitabo. Naa’y mga kasundalohan nga naa sa duol og pwede duolon para klarohon ang nasayran nga impormasyon.

Gi-awhag ni 88th Infantry Battalion CMO officer Captain Norven Jay A. Garcia ang mga bakwit nga manguli na sa Brgy. Santa Felomina ug dili angay mabalaka kay priyoridad sa kasundalohan ang pagprotekta sa mga sibilyan kung adunay combat operation.