SETYEMBRE 19, 2019 – Gisugdan sa Municipal Disaster Risk Reduction and Management Office (MDRRMO) ug Municipal Health Office (MHO) Teams, inubanan ni SK Federation President Leze John Adam Densing ang paghatag sa face masks sa mga estudyante sa Salawagan Central Elementary School, atol sa haze nga ga-kuyanap sa Quezon, Bukidnon.

Gi-hinabi usab ni Local Disaster Risk Reduction and Management Officer Paul Abalde ug Municipal Health Officer Dr. Lea Paula Catalan ang mga maestra sa maong skwelahan, alang sa dugang kasayuran sa insaktong mga precautions para sa haze.

Nasinati sa mga lumulupyo sa Quezon, Bukidnon ang usa ka haze, nga gi-kumpirma sa DENR ug PAGASA nga nag-gikan sa dagkong kalayo sa Sumatra ug Kalimantan, Indonesia.

Mo-padayon ang Quezon LGU sa pag-monitor sa pagkuyanap sa haze, ug sa pag-distribute sa mga face masks karong adlaw.

Gi-hangyo ang katawhan nga magsuot og face masks kung mahimo, ug sa pag-inom og daghang tubig.