SETYEMBRE 18, 2020 – “Ang edukado nga katawhan ug negosyante nga palibot maoy makapalambo sa kinabuhi ug sa atong lungsod.”

Mao kini ang gipamahayag ni Municipal Councilor Jerly “Jay” Areja atol sa graduation ceremony sa Livelihood Skills Training on Beads Making karong adlaw sa TESDA Training Center. 

Iya sab gihagit ang mga graduates nga ipalambo ang ilang kahanas, aron mahimong panginabuhian ang natun-an sa pagbuhat og beads. Pinaagi niini, makabarog sila ug makapaningkamot alang sa ilang pag-asenso.

Gipangunahan ni Community Based Training Trainer Maria Rhizza B. Pandian ang pagtudlo sa pagbuhat sa mga beads.

Mitambong usab sa maong seremonyas si Ms. Imelda Perpetua, CE, Public Employment Services Office (PESO) Manager ug Livelihood Coordinator.