HAPIT NA GYUD MAHUMAN!

Karong semana, gibisita ni Mayor Poling Lorenzo ang Manuto Bridge nga kasamtangang ginatukod karon. Gamayng pagtrabaho na lang ang gikinahanglan para magamit na kini nga tulay, nga atong gipanghinaman sa mga tuig nga milabay.

Kahinumdoman nga naanod ang kaniadtong tulay sa Manuto kaniadtong 2017 tungod sa bagyong Vinta. Pinaagi sa pagpakigbisog ni Mayor Lorenzo ug sa National Economic Development Authority (NEDA), nabawi ang pondo nga P92M nga unta gamiton sa pagpaayo sa tulay, ug nasugdan na gayud ang pagtrabaho niini.

Kini nga tulay anaay dakong bili sa paglambo sa atong lungsod. Kung mahuman na ni, anaa nay dugang agihanan ang atong mga mag-uuma sa Brgy. Manuto aron mapagawas ang ilang mga produkto, ug magdugang sab kini sa atong komersiyo ug ekonomiya sa lungsod.