HAPIT NA MAHUMAN ANG MGA DALAN NGA MAGDALA OG HARUHAY NGA PAGPAGAWAS SA MGA PRODUKTO!

Padayon nga gipanigurohan sa lokal nga panggamhanan sa Quezon, Bukidnon sa pagsemento ug pag-abli sa mga Farm-to-Market Road (FMR) gikan sa Brgy. Salawagan padulong sa Quezon Central Market.

Una niini ang sementado na nga 1Km FMR gikan sa Purok Masigla ngadto sa Tala sa Umaga, Salawagan. Nagkantidad kini og 8 Milyones nga gipondohan sa Department of Agriculture (DA) ug natuman pinaagi sa tabang sa Department of Public Works and Highways (DPWH).

Sunod nga gi-ablihan ang bag-ong dalan nga magagikan sa Tala sa Umaga, Salawagan ngadto sa P-2, Libertad. Gipondohan kini og 3 Milyones gikan sa lokal nga panggamhanan.

Karon, sugdan na usab ang pagsemento sa 1Km nga farm to market nga dalan gikan sa Purok Masigla paingon sa Purok Maligaya, Salawagan gamit 10 Milyones nga pondo gikan sa atong munisipyo.

Ang maong mga proyekto gikuha sa nagkalain-laing pondo sa gobyerno apan usa lang ang tumong; mapadali ang paggawas sa mga produkto sa mga mag-uuma padulong sa merkado ug maminusan ang pursyento nga madaot ilang mga produkto tungod kay haruhay na ang pag-agi sa dalan.

Kini maghatag og dakong abante sa panginabuhian sa mga residente, kay matagaan sila og kadasig sa pagpananom og mga produkto nga i-supply sa atong merkado.