OKTUBRE 1, 2021 – HAPPY SENIOR CITIZENS DAY!

Malampuson ang atong Virtual Celebration sa Senior Citizens Day sa Quezon, Bukidnon nga gipahigayon pinaagi sa Facebook livestream ug radio broadcast.

Sayran nato nga malipayon nga miduyog ang atong mga senior citizens pinaagi sa pagpaminaw sa ilahang radyo ug pagtan-aw sa Facebook Live bisan anaa sila sa tindahan o panimalay.

Taliwala sa pandemya nga atong gisagubang karong panahon, ato usa gipaagi kini sa broadcast aron magpabilin kitang luwas samtang naglingaw-lingaw.

Napuno sa pagmaya ang adlaw samtang nasaksi nato ang mga talento sa atong seniors sa nagkadaiyang barangay sa pag-awit, ug sa mga lain-laing mga raffle prizes nga ipanghatag sa swerte nga nabunotan.

Mapasalamaton kita kay Bukidnon Gov. Jose Ma. R. Zubiri, Jr., Bukidnon 3rd District Representative Manuel “Manoy” Zubiri, Mayor Lorenzo, Board Member Benito Baguio, ug sa Del Monte Philippines Inc. (DMPI), Associated Bukidnon Sugarcane Farmers, Inc. (ABSFI), Busco Sugar Milling Corp., Kiokong Construction Development Corp. (KCDC), Radio Kilat 107.7 FM ug SB Store sa tanan mga kontribusyon sa atong kasaulogan.

Sukad kaniadtong tuig 2017, nahimo nang tinuig nga tradisyon ang Senior Citizens Day. Kaniadtong 2018, gideklara nga opisyal nga Senior Citizens Day ang Oktubre 1 matag tuig pinaagi sa usa ka ordinansa.

Karong tuig, magpadayon ang kasaulogan sa tibuok bulan sa Oktubre 2021. Anaa pay nagkadaiyang mga aktibidades nga magdala og lingaw sa atong senior citizens sa kabarangayan, busa mangandam na kita!