LOOK: Mao kini ang hulagway sa footbridge nga nahimutang sa Sitio Kolampeon, Brgy. Paitan, human kini ma-rehabilitate.

Nasayran nga delikado ang pagtabok sa maong footbridge kaniadtong wala pa kini na-rehabilitate, ilabi na panahon sa ting-ulan, hinungdan nga gi-aksyonan kini sa lokal nga panggamhanan. Karon, lig-on na kini ug dili na angay mabalaka ang motabok diri.

Gi-gahinan sa lokal nga panggamhanan sa Quezon, Bukidnon og pondo nga mokabat P1.5M alang sa pag-ayo niini. Gisugdan ang rehabilitation sa footbridge kaniadtong Enero, ug nahuman pagka Marso.

Usa kini sa mga inisyatibo ug kalampusan sa administrasyon ni Mayor “Poling” Lorenzo. Padayon usab ang pag-rehabilitate sa barangay road padulong sa maong tulay.