TANAWA: Mao kini ang hulagway sa galingan sa mais kung diin na-disgrasya ang usa ka 8 anyos nga bata kaniadtong Pebrero.

Sumala sa pagsuta sa Business Permits and Licensing Office (BPLO) ug sa Brgy. San Roque Council, gi-abrihan og nag-operate ang usa ka corn mill sa Purok 1, Brgy. San Roque nga walay pagtugot gikan sa konseho sa barangay o sa munisipyo.

Gi-hatagan ang tag-iya sa maong galingan sa mais og tulo (3) ka adlaw para maka-comply sa maong mga rekisito, apan kung dili maka-sumite ang tag-iya, mahimong ipasirado ang maong galingan sa mais.

Kahinumdoman nga kaniadtong Pebrero 18, 2020, adunay bata nga nadisgrasya sa maong galingan sa mais gumikan kay na-bira ang buhok niini sa usa ka rotating shaft. Sa kasamtangan, ga-rekober pa ang maong bata sa iyang mga samad sa Southern Philippines Medical Center (SPMC). Padayon ang pag-alayon sa mga personahe sa munisipyo sa Quezon ug sa SPMC haron nga matagaan og pagtagad ang mga panginahanglanon sa bata ug sa pamilya niini.