SETYEMBRE 26, 2019 – Gikalipay sa hograisers sa Quezon, Bukidnon ang pagpadayag ni Mayor “Poling” Lorenzo sa pagpatuman sa balaod alang sa pagpanagang sa African Swine Fever diri sa lungsod.

Sa gipahigayon nga Information Education Campaign (IEC), gi-hisgotan ang BABES (Ban imported pork products, Avoid Swill Feeding, Block international ports, Educate people, Submit samples) nga pamaagi, kung diin bawalan ang pagsulod sa karne nga wala nanggikan sa Bukidnon, ilabi na ang mga imported nga produkto; pag-edukar sa publiko; culling sa mga baboy nga nasakit uban ang mga hayop nga naa sa 1-km radius; ug sa pag hatag sa mga sample sa hayop nga may sakit sa mga awtoridad.

Matod pa ni Mayor Lorenzo, pinaagi sa pagpatuman niini nga pamaagi, mahimong makahigayon ang hograisers sa Quezon nga maka-ginansiya, gumikan sa pagka-himsog ug pagka-luwas sa sakit sa ilang mga binuhi.