DISYEMBRE 3, 2019 – Gi-babagan sa pipila ka personahe nga wala mailhi ang unta joint assessment sa Municipal Social Welfare Development Office (MSWDO) ug Municipal Health Office (MHO), sa lokal nga gobyerno sa Quezon ug Kitaotao, Bukidnon alang sa pag-suta usab sa mga residente sa Brgy. Sta. Felomina nga sa kasamtangan namuyo sa simbahan sa Iglesia Filipina Independiente sa Kitaotao.

Gi-tinguha sa mga lumilihok sa maong mga LGU nga ma-tuki pag-usab ang kahimtang sa mga bata nga nasayran nga naga-sinati og kalibanga, acute gastroenteritis, ug uban pang sakit, ug ma-hinabi pag usab ang mga tawo nga mipadayag sa ilang kagustuhan nga mo-uli na sa ilang pinuy-anan sa Brgy. Sta. Felomina, apan gipugngan sila sa mga tawo sulod sa maong compound haron nga dili na nila usab ma-dayag ang ilang tumong nga mopauli na.

Kahinumdoman nga aduna nay signos sa pagkasakit ang mga kabataan nga uban sa maong bando sukad pa sa miaging semana, samtang didto pa sila gipa-puyo sa Malaybalay.