LOOK: Kasamtangang gimugna ang learning modules nga gamiton sa 25,531 ka estudyante karong umaabot nga panahon sa ting-klase sugod Agosto 24, 2020. Kini nga mga materyales pahimuslan sa 46 ka pampublikong skwelahan sulod sa upat ka distrito sa lungsod sa Quezon, Bukidnon.

Pagatutukan sa lokal nga panggamhanan sa Quezon ang pagsuporta sa mga pampublikong tunghaan alang sa padayon nga pag-skwela taliwala sa COVID-19, kung diin makapabilin nga luwas ug himsog ang mga magtutungha ug magtutudlo.

Kahinumdoman nga gipanghingusgan ni Mayor “Poling” Lorenzo ang kabililhon sa padayon nga pag-edukar sa mga bata alang sa maayong kaugmaon sa lungsod, hinungdan nga gi-gahinan og pondo ang pagmugna sa maong educational materials.