PEBRERO 5, 2021 – Lauman nga magpadayon ang uban mga priority projects sa lokal nga panggamhanan sa Quezon, Bukidnon sulod sa pagdumala ni Mayor “Poling” Lorenzo.

Kini atol sa gipahigayong regular session sa Fourteenth Sangguniang Bayan sa Quezon, Bukidnon, nga gipangunahan ni Vice Mayor Joseph Durotan, Sr., kung diin gipasa ang usa ka resolusyon nga nag gahin og dugang pondo niining mga lakang.

Matod sa resolusyon nga gipropose ni Councilor Rey Baguio, gamiton sa extension sa umaabot nga Community Hospital, ug sa pagatukuron nga museum, library, youth center, Heritage Hall para sa mga Lumadnong lumulupyo sa Quezon, ug mga national offices ang dugang pondo nga P30 million gikan sa Panggamhanang Probinsiyal sa Bukidnon, sulod sa pagdumala ni Gov. Jose Ma. Zubiri, Jr.