ABRIL 30, 2021 – Giawhag ni Mayor Poling Lorenzo ang mga magtutudlo nga ihatag ang ilang dedikasyon aron matabangan ang mga kabataan nga makakat-on sa pagbasa. 

Naghinaot usab siya nga magbunga ug maayong resulta ang Basa Quezon nga opisyal nga gipasiugda atol sa launching program niini.

Gipaabot dinhi ni Bukidnon Schools Division Superintendent Dr. Randolf Tortola, CESO V ngadto sa mga magtutudlo nga panigurohan nga makabasa ang matag bata ug dili tugutan nga mapugngan sa COVID-19 ang pag edukar sa mga kabataan.

Iya sab gipadayag ang dakong pasalamat sa lokal nga panggamhanan sa Quezon tungod sa supporta nga gihatag para sa edukasyon.

Ang maong panagtigom gitambongan ni Committee on Education and Skills Training Hon. Jerly Areja, ug Department of Education (DepEd) District Supervisors Dr. Rolando D. Acoriba, Dr. Evelyn C. Caballes, Mr. Vicente F. Garciano, ug Dr. Alicia P. Micayabas.