PHOTOS: Libreng serbisyo medical, agricultural, ug daghan pa nga mga ayuda ang gitunol ngadto sa mga residente sa Brgy. Cawayan, Quezon, Bukidnon pinaagi sa Philippine National Police (PNP) End Local Communist Armed Conflict (ELCAC) Caravan kaniadtong April 21, 2021. 

Gipangulohan ang maong PNP ELCAC Caravan pinaagi sa Quezon Municipal Police Station (MPS) ug sa pakigtimbayayong sa Armed Forces of the Philippines (AFP), ug lokal nga panggamhanan sa Quezon (MAO, MSWDO, ug MHO).

Dinhi gipasabot sa PNP ug AFP ang katuyuan sa gobyerno kabahin sa programang ELCAC ug ang tinguha niini nga mahunong na ang ensurhensiya sa Pilipinas. Nanghatag sab sila og mga gamit sama sa pala, ispading, payong, radyo , school bags, banig, moskitero, ug libreng pagkaon. 

Gipaabot sab sa Municipal Health Office (MHO) ang libreng check up, tuli, ug tambal ngadto kanila aron ma atiman ang panglawas ug kahimsog sa mga residente sa maong barangay. 

Ang Municipal Social Welfare and Development Office (MSWDO) mipaabot usab og ayuda nga bugas. Gipadangat sab niya ang mga serbisyo sa atong lokal nga panggamhanan sama sa hinabang sa pagkaon, medikal, paglubong, ug pang-edukasyon. 

Nanghatag usab ang Municipal Agriculture Office (MAO) sa nagkadaiyang liso sa utanon nga pwede itanom sa likod sa balay aron masiguro ang kahimsog ug adunay igo nga sustansya ang matag pamilya.

Gisiguro sa gobyerno nga mapaabot ngadto sa katawhan ang igong serbisyo nga gikinahanglan sa mga pamilya nga nagkinahanglan sa tabang ug atensyon sa atong panggamhanan.