ABRIL 20, 2021 – Dapat bantayan ug imonitor ang mga lugar nga nagpalibot sa Quezon para mapangandaman ang mga angayan buhaton para malikayan ang pagkuyanap sa COVID-19 ug maprotektahan ang katawhan sa lungsod.

Mao kini ang gi-awhag ni Mayor Poling Lorenzo nga buhaton sa Local Health Board (LHB) atol sa ilang panagtigum.

Gipresentar sab sa Municipal Health Office (MHO) nga gipangunahan ni Doc. Lea Paula Catalan nga taliwala sa gisagubang nga pandemya, wala pasagdi ang pag-atiman sa uban pang mga programa nga naay kalambigitan sa pagmintinar sa kahimsog sa katawhan.

Isa niini ang pito-pito (7-7) campaign diin nagpadayon gihapon ang mga health workers sa operasyo yabo sa mga posibleng itlogan sa lamok nga makadala og dengue.

Padayon sab ang pagpasabot nila sa mga katawhan nga dili angayan mabalaka sa pagpabakuna kay kini ang makahatag og proteksyon sa lawas sa tawo.