HUNYO 29, 2020 – Gi-aghat ni Mayor “Poling” Lorenzo ang Local Health Board sa lungsod sa Quezon, Bukidnon nga maghuna-huna na daan kung unsa ang posibleng mahitabo sa umaabot taliwala sa nagpadayon nga problema sa COVID-19.

Atol kini sa gipahigayong binulan nga Local Health Board meeting diin gihisgutan og unsa pa ang mga gikulangon nga kinahanglan sama sa pagdugang og supply sa oxygen ug sa mga isolation units, pagdugang sa hanas sa mga personahe sa gobyerno sa insaktong swab testing ug contact tracing, ug uban pa.

Gipadayag usab ni Mayor Lorenzo nga adunay dugang pondo nga gi-gahin para sa pagdugang sa mga isolation units, kung diin mahimutang ang mga tawo nga kinahanglan mo-agi sa quarantine period.