OKTUBRE 16, 2020 – Mapasalamaton ug malipayon ang Local School Board (LSB) sa suporta ug gihimong inisyatibo sa lokal nga panggamhanan sa Quezon, Bukidnon alang sa padayon nga pagtuon sa mga kabataan bisan pa man sa gisagubang nga pandemya.

Kini atol sa gipahigayong LSB meeting nga gilangkuban ni Mayor “Poling” Lorenzo, Municipal Councilors Jay Areja ug Rey Baguio nga nagserbisyo usab isip GPTA President, DepEd district supervisors, ug mga principal sa pipila ka secondary nga eskwelahan sa Quezon. 

Matod pa, mapuslanon kaayo ang mga learning modules tungod aduna gihapon makat-unan ang mga bata bisan naa lang sila sa ilang panimalay.

Nahisgotan sa maong panagtigom ang plano para sa pagmugna sa 2nd quarter self-learning modules for CY 2020-2021. 

Gihisgotan usab sa maong panagtigom ang planoh nga iconvert ang Quezon National High School isip usa ka Comprehensive National High School, ug ang pagdugang sa lima ka Integrated School dinhi sa lungsod.