DISYEMBRE 2, 2020 – Mainiton nga gitimbaya ni Mayor “Poling” Lorenzo si Police Major Carlito R. Chua Jr., nga magserbisyo isip bag-ong hepe sa Quezon Municipal Police Station isip paghulip kay outgoing Acting Police Chief PMaj Mitchel Clemencio. 

Sa pag-abot sa bag-ong hepe sa kapulisan sa lungsod, nanghinaot si Mayor Lorenzo sa padayon nga pagsiguro sa kalinaw sa siguridad sa katawhan. Matod usab niya, dapat adunay maayong resulta ang pagpanerbisyo sa kapulisan alang sa kalamboan sa tanan.

Gipasalamatan usab niya si outgoing PMaj Clemencio sa tanan iyang mga kalampusan sulod sa iyang pagpanerbisyo ug pagpanguna sa kapulisan sa Quezon.